قمم الحياة

• · قمة التفاؤل أن تبتسم للحياة المليئة بالإحباط
  · قمة الإحباط أن تحكم على هدفك بالفشل قبل أن تسعى إليه
  · قمة الاخلاص ألا تتخلى عن أهدافك ومبادئك حتى الموت
  · قمة الخيانة أن تتخلى عن الذين ساعدوك وقت احتياجك لهم
  · قمة السلبية أن تكون لا شئ من أى شئ
  · قمة الغرور أن تشعر بأنك كل شئ رغم أنك لا شئ
  · فمة التواضع ان تعترف بخطأك أمام الجميع وتحاول اصلاحه
  · قمة النجاح أن تجتهد من أجل هدفك مهما كانت النتيجة
  · قمة الفشل أن تتباهى بنجاحك امام الناس
  · قمة الغنى ان ترضى بما قسمه الله لك
  · قمة الفقر ان تنظر الى من هو اغنى منك
  · قمة السعادة ان تشعر بحب الجميع لك
  · قمة الحرية انا تعرف كيف تستغلها بايجابية
  · قمة الحنان ان تعطف على من يكرهك
  · قمة الكره ان تكره نفسك

حياتى فى لحظة ندم

اسفة انى يوم فكرت فيك

اسفة انى عشت ليالى ليك

دة انت كنت كل حياتى

كنت باشتاق لك يوماتى

وانت عمرك ما حسيت بى

كنت دايما قاسى على

وأنا طفلة:

كنت بحبك حب برئ

حب الأخ أو الصديق

وعمرى ما فكرت يوم فيك

انك تكون لى حبيب

ولما كبرت :

صحيح ما بقاش بيننا كلام

مش عداوة أو حتى خصام

دة مجرد تصرف عشان

نمنع الناس عن الكلام

لكن كان الكلام بيننا

عن طريق نظرات عيوننا

حتى النظرة كانت ساعات بتتسرق منا

ياترى ايه السبب؟ القدر ولا الدنيا

مش مهم مين السبب فى المسافة الى بقت بيننا

المهم ان دى الحقيقة وهو دة قدرنا

ولما كبرت اكتر : ومخى فهم اكتر : وتفكيرى كبر اكتر واكتر :

احساسى بيك ابتدى يكبر

اعجابى بيك ابتدى يظهر

مش عارفة ايه الى قربنى ليك

خلانى حبيت كل حاجة فيك

رغم انك كنت شخص عادى

لكن بالنسبة لى . كنت غير عادى

وفى خلال سنة:

اعجابى بيك ابتدى يزيد

لحد ما وصلت لدرجة الحب الشديد

كنت بقف فى الشباك مستنية نظرة من عينيك

وتعدى من تحت بيتنا وانا ملهوفة عليك

وقلبى متشوق يلاقيك

وبحنان يبص ليك

وانت مش واخد بالك من الى قلبه متعلق بيك

دايما كان بالى مشغول بيك

حتى مزاكرتى بسيبها عشان افكر فيك

كنت فى خيالى برسم صورتك

عيونك . شفايفك . وايديك .

كنت مستنياك تقولى

انا اضحى بالدنيا عشان خاطر عينيكى

كنت فاكراك ملاك. وطلعت تعرف غيرى كتير

كنت بجد بهواك. وانت ماتعرفش حاجة عن الأشواق والحنين

وبعد مدة قصيرة : أسبوع . اتنين . أو حتى شهرين :

سمعت انك بتحب غيرى

يا ترى دى إشاعة ولا حقيقة يا ناسينى ؟

كانت صدمة لكل كيانى وتفكيرى

لكن : قررت أقاوم وانسى هواك

كنت فاكرة ان صعب انساك

لكن غريبة انى بسهولة ما بقتش عاوزاك

ماعودتش بتمنى انى اكون معاك

دة حتى الشباك الى كنت فيه بستناك

كرهته عشان ما عودتش بهواك

خلاص ما عودتش حباك

أيام السهر هتنتهى يا ملاك

قصدى يا الى كنت فاكراك ملاك

خلاص كله انتهى . ماعودتش عاوزاك

أكيد هلاقى غيرك . الى يستحق اقوله عشقاك

أنا حقيقى بكل كيانى بقولك :

اسفة انى يوم فكرت فيك

اسفة ان عشت ليالى ليك

دة انت كنت كل حياتى

كنت بشتاق لك يوماتى

وانت عمرك ما حسيت بى

كنت دايما قاسى على

ممكن أقولك حاجة أخيرة :

روح مش عاوزة أشوفك تانى

عمرك ما هتلاقى زى حنانى

خليك عايش مع حبك التانى

ربنا يوفقك معاها يا أنانى

لكن عاوزة أقولك كلمة :

انت يا روش يا بتاع البنات

ياترى بتحبها من قلبك ولا قلبك مات ؟

حتى لو بتحبها بجد

حبك مش هيستمر أكتر من لحظات

لو عرفت حقيقتها ؟ هتكرهها وتنسى كل إلى فات

دى بنت ضايعة وبتاعة ولاد

فيها كتير منك يا بتاع البنات

حقيقي لايقين لبعض

بس مش للحب . دة للتسلية وتتضييع الأوقات

دى بنت عايشة لنفسها وبس

أصلها زيك قلبها مات

بجد مش عاوزة اتكلم كتير عنها . لأن نفسى انساها

مسيرها تبقى زى غيرها

وهتندم بعد فوات الأوان

ومرة تانية بقولك :

أكيد هلاقى غيرك . يستحق أقوله عاشقاك

هلاقى الى يستحق أعيش معاه . لاخر مغرب فى الحياة